بدا دعم اصالة لابنتها شام الذهبي واضحاً من خلال رسالة مطولة وجّهتها لها من خلال منشور شاركته مع متابعيها عبر حسابها الرسمي على تطبيق انستقرام، وأكّدت الفنانة السورية في رسالتها أنّ شام ستتخطى هذه المحنة وستمرّ كغيرها من المواقف الصعبة.
دعم اصالة لابنتها شام الذهبي
نشرت المطربة اصالة نصري عبر حسابها الرسمي على تطبيق انستقرام صورة لابنتها شام مرتدية زي عملها كطبيبة تجميل وأرفقت الصورة برسالة طويلة، قدّمت فيها الدعم الكامل لابنتها، ممّا تفاعل معه المتابعون. كما وقفوا إلى جانب شام الذهبي بعد إغلاق عيادتها من قبل السلطات المختصّة بسبب وجود أدوية غير مرخصة، بالإضافة إلى أجهزة طبية غير مرخصة.
وكتبت أصالة في رسالتها: "كتير مرّينا أنا والولاد بإمتحانات صعبة وأيام أصعب، وبكلّ مرّة ما كان عندي شكّ بعدل ربّ العالمين وكانت حياتي من بداياتي لليوم عبارة عنّ جملة بتقول: الناس الأشرار قلال بس بيوجعوا ولازم دائماً مهما كترت الجروح والصدمات نقارنهم بالكتار ونتذكرهم لنعرف إنهم مهما كتروا قلال ونحنا اليوم بامتحان من هالامتحانات وبيمرّ ورح يمرّ".
وأضافت اصالة في رسالتها الداعمة لابنتها: "شام هي النور اللي مضوي حياة آلاف البشر وأنا منهم… بنتي الملاك رح تبقى ملاك وما رح يوجعها أكتر من وقته الوجع... ودواها نحنا أهلها اللي كان إلنا سعادة تكون شام منا وفينا.... شام حبيبة الحياة وأهلها طاقة العلم والتهذيب والعطاء... عم تمرق من شارع ضيّق بهالحياة اللي فيها شوارع مضواية بأهل، أنتوا منهم يا طيّبين... يا أهلنا وأصحابنا وناسنا".
وتابعت أصالة بالقول: "هالشارع مهما ضاق رح يخلص، ورح تطلع منه من غير ما تشوف وراها أو حتّى تتذكر شو كان هالمرور صعب وما في مرور إلا وبتصادفه عثرات... والعثرات بتكبر وبتكتر لما هالمرور من رحلة هالحياة بيكون مو عادي... ونجاح شام مو عادي ومرورها بهالحياة أكيد حيصادفه عثرات وأكيد حيكون فيه صعوبة حتى بتحقيق السهل".
وختمت الفنانة السورية اصالة نصري حديثها عن شام الذهبي: "كل القلوب الحلوة يا حلوة الحلوات معك وبتدعمك وقلبي قبل إيدي وروحي ملكك وتحت أمرك وبدعي لك وبتوسل ربي برحمته يحتويك... وبتصير أشياء بتكون عكس شو توقعنا وبتصدمنا لتقوينا وترجعنا أحلى وأقوى وأحن وأهدى وشامي الحلوة حلوة وهادية وإنسانة وكل طاقات الفرح والفرج رح تتهيأ لها والله مع المخلّصين".
View this post on Instagram
