تصدّرت تصريحات هند عاكف التريند في الساعات الأخيرة بعدما أطلّت في حديث تلفزيوني تحدّثت من خلاله عن خلفيات أزمتها في مهرجان القاهرة السينمائي الأخير.
تصريحات هند عاكف
كشفت الفنانة هند عاكف عن تفاصيل الأزمة الأخيرة التي مرّت بها في افتتاح مهرجان القاهرة السينمائي في دورته الأخيرة بنسخته الـ44.
وتحدثت عاكف في برنامج "نص الكلام" مع الإعلامية رغدة شلهوب إنها لم تتلق دعوة لحضور الافتتاح وذلك لأنّ مكتب الفنان حسين فهمي أكدّ لها أن دعوات الممثلين هي مع نقابة المهن التمثيلية. وعندما عادت عاكف إلى النقيب أشرف زكي، ردّ عليها الأخير برسالة صوتية قائلاً: "مفيش الكلام ده".
"من حقي أدخل"... هند عاكف تتعرّض لموقف محرج في مهرجان القاهرة
اساءة كبيرة!
قالت عاكف خلال تصريحاتها الاعلامية: "أنا بلبس حاجات غريبة بس مبأذيش حد علشان أبقى بخالف الدريس كود والدريس كود على عيني وعلى راسي بس لو اتبعتلي دعوة واتطلب مني عدم مخالفته، لكن أنا جيت ليه تحرجوني؟".
وأضافت: "المهرجان ده لو مهرجان خاص لو قطعتي رقبتي ما كنتش روحت من غير دعوة لكن ده مهرجان بلدي مش حفلة، واللي حصل معايا ده إساءة وماكنش يجب إنه يحدث أبداً، وبطالب أستاذ حسين فهمي لازم ينتقى الكشف بتاع المدعوين ومين الناس اللي تستحق وعلى رأسهم الفنانين وبعد كده أي حد تاني".
وقالت عاكف: "لو مرضيوش يبعتولي دعوة علشان لبسي ففي ناس كتير كانت لابسة فساتين كتير مستفزة وفيها إثارة والشارع مش بيحبها منهم الفنانة سلمى أبو ضيف وهبة السيسي وأكتر من حد تاني والبلوغر بيروحوا علشان يتصوروا على الريد كاربت مش علشان شغل لكن أنا بحضر الأفلام علشان أتعلم لغاية النهاردة".
وهنا انفجرت عاكف بكاء وقالت: "ينفع الكلام ده مع فنانة بتشتغل وهي عندها 4 سنين، أنا كنت بدخل المهرجان ده والدعوة بتبقى في العربية، الدعوة كانت من زميل مش هذكر اسمه، قالي يا هند أنا شفت الفيديو بتاعك وانتي عايزة تروحي المهرجان، قولتله أيوه أنا عايزة أروح، قالي أنا مش هروح عندي ظروف ومسافر، أنا هبعتلك دعوتي، معرفش بقى فيه أسامي أو مفيش أسامي، قولتله أوكيه، قالي بس متبلغيش حد إني اديتك دعوة عشان هم ممكن يبعتولك دعوة، لو بعتولك دعوة هاتيلي الدعوة، عشان ممكن أديها لحد تاني ".
وواصلت: "يومها أنا نزلت كنت ماسكة الفستان، وكنت نازلة بالدعوة من البيت، أنا دمعتي نزلت دلوقتي عشان صعبان عليا تاريخي وتاريخ عيلة عاكف، اللي أنا شايلاه طول عمري ومحافظة عليه، يقوم المنظمين يعملوا كده، وكان فيه لازم قرار يتاخد، ولقيت نفسي وصلت، قولت استحالة يعملوا معايا موقف زي ده، لازم يدخلوني، أو يتصلوا بالإدارة جوه وهيدخلوني من غير مشاكل".
