أثارت تصريحات فيفي عبده الجديدة عن الحجاب والعمرة جدلاً واسعاً على مواقع التواصل الإجتماعي، كما تحدثت عن مهنة الرقص، وعن موقف الراقصة المصرية من الأشخاص الذين يقولون أن الرقص والفنّ حرام.
تصريحات فيفي عبده الجديدة
أكّدت النجمة المصرية فيفي عبده أن الرقص ليس حراماً، وردّت على الإتهامات حول هذا الأمر، خلال لقائها التلفزيوني في برنامج “عندي سؤال”، وقالت فيفي بأسلوبها العفويّ: “الرقص حرام ليه؟… هو مش شغل زيّ أي حاجة الباليه حرام؟… في حاجات كتير حرام والرقص دا شغل زي أي شغل… ليه إحترامه وليه ناسه اللي بيتفرجوا عليه، وليه اللي بيقدروه ويحترموه كمان”.
وخلال اللقاء، تحدثّت فيفي أيضاً عن الزواج وتمنّت لو أنها تزوّجت برجل يشبه والدها بحنيته وبطيبته. كما أبدت موقفها من الحجاب قائلة: “أنا متحجبة طول الوقت… الكلام دا يتقال للناس الفالتهة، أنا بعتبر إني محجبة لأنّي مش بعمل حاجة غلط ومش بجيب بسيرة الناس محجبة في لساني وبكل تصرفاتي… مطلوب مني ايه أكتر من كدا، وإذا كان على الشغل لو ربّنا قالي في أي وقت البسي الحجاب أنا هلبسه فوراً”.
إغراء وإثارة… شاهدوا فيديو فيفي عبدو المثير للجدل!
حديث فيفي عبده عن الحج والعمرة
وأضافت الراقصة المصرية: “أنا عاملة 37 عمرة وحجّيت 5 مرّات، وبقول للناس ماتشوفوش الظاهر بس إعرفوا أنّ الفنانين عندهم حاجات كتير حلوة… إنتم مش بتقدروها لكن ربنا بيقدرها أنا لما كنت بروح ماكنتش أتكلم مع مخلوق أحطّ حجابي وأروح أصلي صلاتي وأرجع وأخذ أهلي كلهم معايا… هيقولوا عاملة دا ورقاصة طبعاً كل حاجة لها حساباتها وعملت اللي يرضيني في الحياة ومطمنة جداً، حاسة إني هقابل ربنا وأنا مستريحة بأي وقت”.