احمد فلوكس يهاجم الهام شاهين بعد تصريحاتها عن القبلات في الأفلام، حيث انتقدت فيها من يرى أنها شيء منافٍ للأخلاق، وقالت شاهين "المجتمع كان زمان مختلف ويتقبل القبلات في الأفلام، والمجتمع أصبح غريباً على حد تعبيرها".
فلوكس يعلّق
كتب فلوكس عبر حسابه على فايسبوك "بعيداً عن معزتك ممكن أستأذنك ماتتكلميش تاني في الكلام ده، البوسة بتعتبر حالياً منافيه للآداب، أومال إمتى يا فندم نعتبر الشيء منافي للآداب، لما نلاقي العيل نازل وبشهاداته كمان هنا يبقي سفالة".
وتابع "الشاشة دي بتربي أجيال وبتشكل وجدان، مش بتربي وحوش وبتعمل أوضاع، على كده إحنا نعتبر الأفلام السكس أفلام تثقيفية تعليمية إرشادية الغرض منها التعليم والتمرين".
إلهام شاهين تتلقى تعليقاً لاذعاً: "استري نفسك".. وتنهار بالبكاء في مهرجان الجونة
احمد فلوكس يهاجم الهام شاهين ويتابع في منشوره ويقول "سامحيني أنا بحبك بس مابقتش قادر أستحمل، يا جماعة الشيطان نفسه مش مصدق اللي إحنا كبشر بنعمله وبيستغفر ربنا، الأفلام بقت مرجعية والنوافل بقت مهرجانات والزكاه بقت نقطة والحج بقي تشكيل آسف جداً. ومش عاوز أسمع كلمة حريه الفن".
إلهام شاهين تردّ
لم تقف إلهام شاهين صامتة حيال انتقادها من قبل فلوكس، وقالت في تصريح صحافي "أنا أكبر من إني أرد على هذه الأمور التافهة".
وأضافت في تصريح آخر "لن اعطي أهمية لهذا الشخص، لأنه هو هجومه على الفن بشكل عام دا اللي أنا شايفاه، فأنا مش هدي أهمية لكل واحد عايز يلفت الأنظار".
وأوضحت أن "كلامي كان عن الأفلام القديمة الأبيض والأسود، وإن كلها فيها قبلات، لو هو مش محترم دا ومش محترم فاتن حمادة، نادية لطفي، سعاد حسني، دا ممكن يتقاله إيه؟ دول المفروض إنهم قدوة لينا كلنا وأساتذتنا".
